Рамазанов Самат Жаиновичпен кездесу

Бүгін «Самғау» балалар шығармашылық орталығында еліміздің танымал тұлғасы, жас ұрпаққа үлгі болатын азамат Рамазанов Самат Жаиновичпен кездесу өтті.

Кездесуге біздің мектептің 10–11 сынып оқушылары қатысты. Шара барысында Самат Жаинович өз өмір жолы, жетістіктері мен табысқа жету жолындағы еңбек туралы әсерлі әңгімелеп берді.

Оқушылар қонаққа қызығушылықпен сұрақтар қойып, пайдалы кеңестер алды. Мұндай кездесулер жасөспірімдердің мақсат қоюға, табандылыққа және армандарын жүзеге асыруға жігер береді.

Мектепте Мұғалімдер күні өтті

Біздің мектебімізде дәстүрлі түрде Мұғалімдер күні аталып өтті. Бұл күн – шәкірт жүрегіне жол салып, білім нәрін дарытқан ардақты ұстаздарға арналған ерекше мереке.

Мерекелік іс-шарада оқушылар ұстаздарын ән-жырмен, биімен, өлеңдерімен қуантты. Әр сынып өздерінің алғыс сөздерін білдіріп, жылы лебіздерін жеткізді. 

Мерекеге арнайы ардагер ұстаздар да шақырылды. Олар шәкірттерінің ыстық ықыласына бөленіп, жас мұғалімдерге жүрекжарды тілектерін айтты. Ардагер ұстаздардың еңбегіне тағзым етіп, мектеп ұжымы алғыс білдірді.

Бұл күн барша ұстаздар қауымы үшін ерекше қуаныш пен құрметке толы мереке болды.
Оқушылардың ыстық ықыласы мен алғысы – ұстаздар үшін ең үлкен сый.

1 қазан – Қарттар күні. Бұл күнде біз үлкендерге құрмет көрсетіп, олардың еңбегі мен тәжірибесін бағалаймыз.

Мектебімізде де осы мерекеге орай игі шара өтті. Біз мектебіміздің зейнеткер ұстаздарын құттықтап, оларға жылы тілектерімізді білдірдік. Ардақты ұстаздарымызға гүл шоқтары мен сыйлықтар табысталып, оқушылар өлеңдер оқып, ән шырқады.

Бұл шараның мақсаты – ұстаздарымыздың еңбегін дәріптеу, оларға алғыс айту және жас ұрпаққа үлкенді сыйлаудың үлгісін көрсету.

Қарттар – біздің қазынамыз, ал ұстаздар – әрқашан жүрегіміздің төрінде!

Жасыбай көлінің әсем жағасында дәстүрлі VII мектеп турслеті өтті. Биылғы іс-шараға оқушылар, мұғалімдер және ата-аналар белсенді қатысып, нағыз мерекелік көңіл-күй сыйлады.

Турслет 2025 ерекше қазақы нақышта ұйымдастырылды: ұлттық ойындар, салт-дәстүрді дәріптейтін сайыстар мен тағамдар күннің ажарын аша түсті. Қатысушылар табиғат аясында бір-бірімен жақынырақ танысып, командалық рух пен достық қарым-қатынасты нығайтты.

Мектеп әкімшілігі мен ата-аналар комитеті шараның жоғары деңгейде өтуін қамтамасыз етіп, турслетті ұмытылмас демалысқа айналдырды. Жыл сайынғы бұл кездесу мектеп қауымдастығының ынтымағын арттырып, жас ұрпақты салауатты өмір салтына баулуды жалғастыра береді.