Сенбілік-таза орта, жарқын болашақ!
Бүгін біздің мектеп ауласында үлкен сенбілік өткізілді. Оқушылар, ұстаздар бірігіп, аумақты тазалап, жасыл желекке күтім жасады.
Іс-шара барысында балалар жапырақтарды сыпырып, қоқыс жинап, гүлзарларды ретке келтірді. Барлығы да табиғатты аялаудың маңызын түсініп, бірлесе еңбек етудің қуанышын сезінді.
Сенбілік тек тазалық шарасы ғана емес, достықты нығайтып, қоршаған ортаға деген жауапкершілікті арттыратын маңызды дәстүр екенін тағы бір мәрте дәлелдеді.
Таза мектеп – жарық болашақ кепілі!
Мектепаралық футбол додасы
Біздің мектепте қызықты спорттық шара – мектепаралық футбол ойыны ұйымдастырылды. Бұл сайысқа қонақ болып №26 және №9 мектептерінің командалары қатысты.
Матчтар өте тартысты өтті. Әр команда өз шеберлігін, жылдамдығын және нағыз командалық рухты көрсетті. Көрермендер де ойыншыларды жігерлендіріп, алаңдағы атмосфераны қыздырды.
Барлық кездесулердің қорытындысы бойынша Зерде мектебінің футболшылары үздік нәтижеге қол жеткізіп, жарыстың бас жүлдесін жеңіп алды
Біздің спортшыларымзды құттықтаймыз!
Шахмат турнирі
Мектебімізде оқушылардың логикалық ойлау қабілетін дамыту және зейінін арттыру мақсатында шахмат турнирі өтті.
Іс-шара барысында қатысушылар тактикалық ойлау, сабырлылық және дұрыс шешім қабылдау дағдыларын көрсетті. Турнир оқушылардың интеллектуалдық ойындарға деген қызығушылығын оятып, бір-бірімен тәжірибе алмасуына мүмкіндік берді.
Мектеп ұжымы мұндай зияткерлік шараларды алдағы уақытта да жалғастыруды жоспарлап отыр.
Мектеп Президентін сайлау
Биылғы оқу жылының маңызды оқиғаларының бірі – мектеп президентін сайлау болды. Бұл шараға 8–10-сынып оқушылары белсене қатысып, өз үміткерлерін ұсынды. Сайлау алдындағы үгіт-насихат кезеңінде кандидаттар өз бағдарламаларын таныстырып, мектеп өмірін жақсартуға арналған ұсыныстарын айтты.
Сайлау күні ашық және әділ дауыс беру ұйымдастырылды. Әр оқушы өз таңдауын жасырын дауыс беру арқылы білдірді..Бұл іс-шара оқушыларға азаматтық жауапкершілік пен демократиялық құндылықтардың маңызын сезінуге мүмкіндік берді.
«Сайлау қорытындысы дауыс санау аяқталған соң тексеріліп, нәтижесі алдағы күндері ресми түрде жарияланатын болады.»
Футбол жарысы
Біздің мектепте қызықты да тартысты футбол жарысы өтті. Жарысқа 5–6 сынып оқушылары қатысып, өз сыныптарының намысын қорғады. Әр команда ойын барысында жоғары дайындық пен бірлікті көрсетті.
Матч барысында оқушылар шеберліктерін шыңдап, өзара қолдау көрсетіп, нағыз спорттық рух танытты. Дауыс беріп, жігерлендірген жанкүйерлер де үлкен рөл атқарды.
Жарыс қорытындысы бойынша жеңімпаз командалар марапатталып, алғыс хаттарға ие болды. Мұндай шаралар оқушылардың денсаулығын нығайтып қана қоймай, достық пен ынтымақтастықты арттыра түсетіні сөзсіз.
Бұл жарыс мектеп өміріндегі есте қаларлық күндердің бірі болды және жас спортшыларға жаңа жетістіктерге ұмтылуға шабыт берді.
Ішкі категориялар
3 бет. Барлығы: 6