Бүгін біздің мектебімізде тілдер апталығы өз бастауын алды. Бұл апталықтың негізгі мақсаты – оқушылардың тілге деген қызығушылығын арттыру, мемлекеттік, орыс және ағылшын тілдерін терең меңгеруге ынталандыру.

Апталық барысында әр сыныпта түрлі сайыстар, көріністер, викториналар мен жобалар ұйымдастырылмақ. Оқушылар үш тілде өлеңдер оқып, көріністер қойып, әндер шырқайды. Әр күн ерекше тақырыпқа арналады, ал мұғалімдер мен оқушылар өз шеберліктерін көрсетіп, тіл байлығын дамытуға үлес қосады.

Тілдер апталығы – бұл тек мереке ғана емес, сонымен бірге достық пен бірліктің, өзге ұлт мәдениетіне құрметтің көрінісі. Апталық соңында белсенді қатысқан оқушылар мен сыныптар марапатталып, алғыс хаттар табысталады.

Біздің мектебімізде тіл апталығы жоғары деңгейде өтіп, оқушыларға ұмытылмас әсер қалдыратынына сенімдіміз!