Қош бол, алтын ұя мектебім!

Мектебімізде ерекше толқыныс пен қуанышқа толы «Соңғы қоңырау» мерекесі аталып өтті. Бұл – мектеп қабырғасында білім алып, балалық шақтың ең әдемі сәттерін өткізген түлектер үшін ұмытылмас күн. Биылғы 2026 жылғы түлектер үшін соңғы қоңырау жаңа өмірге бастар ақ жолдың символына айналды.

Салтанатты шара барысында мектеп директоры, ұстаздар мен ата-аналар түлектерге жүрекжарды тілектерін арнады. Оқушыларға үлкен өмірде сәттілік, биік белестер мен жарқын болашақ тіледі. Сонымен қатар, оқу жылы бойы үздік нәтиже көрсеткен оқушылар марапатталып, белсенді шәкірттерге алғыс хаттар табысталды.

Түлектер де өз кезегінде ұстаздарына алғыстарын білдіріп, мектеппен қоштасудың әсерлі сәттерін бөлісті. Әсем әндер орындалып, би биленіп, мерекелік көріністер ұйымдастырылды. Әсіресе, соңғы қоңыраудың сыңғыры түлектердің жүрегінде ерекше сезім қалдырды.

Соңғы қоңырау – бұл тек қоштасу емес, жаңа өмірге жасалған алғашқы қадам. Мектеп қабырғасынан алған білім мен тәрбие әр түлектің болашағына нық жол салары сөзсіз.

Ақ жол, жас түлектер! Армандарыңыз асқақ, болашақтарыңыз жарқын болсын!