Бүгін біз үшін ерекше қуанышты күн. Өйткені жас ұрпақтың ішінде еліне деген сүйіспеншілігімен, жауапкершілігімен, қоғамдық белсенділігімен көзге түскен Хасен Жігер «Тәуелсіздік ұланы» төсбелгісімен марапатталды.

Бұл марапат – оның еңбекқорлығының, тәртібінің, оқу-білімге деген ынтасының, мектеп өміріне белсенді араласуының нақты дәлелі. Жігер әрдайым өз қатарластарына үлгі болып, бастамашылдық танытып, қоғамға, мектепке пайдалы істермен айналысып келеді.

Тәуелсіздік ұланы төсбелгісі – жас буынның ел болашағына қосқан үлесін бағалайтын жоғары марапат. Жігердің осы төсбелгіге лайық болуы – оның азаматтық жауапкершілігі мен туған еліне деген құрметінің айқын көрінісі.

Жігерге алдағы уақытта да биік белестерді бағындырып, білім жолында талмай ізденіп, еліміздің жарқын болашағына үлес қоса беруді тілейміз!

Құттықтаймыз, Жігер!
Ел ертеңі сендей жігерлі, отаншыл жастардың қолында!